Mening bobom,buvim-mahallamiz faxri
ҲиндистонХалқ таълими вазирлиги
Наманган вилоят халқ таълими
бошқармаси
Чортоқ туман халқ таълими муассасалари фаолиятини методик таъминлаш ва ташкил этиш
бўлими
13-умумий ўрта таълим мактаби
8-синф ўқувчиси Абдумуталиева
Гулмиранинг
“Менинг бобом, бувим-маҳалламиз фахри”мавзусида ёзган
иншоси
Иншо
Менинг бобом, бувим –маҳалламиз фахри
Режа.
I.Кириш. Менинг бобом ва бувим.
II.Асосий қисм:
1.Қариси бор уйнинг париси бор.
2.Халқучун қўшган ҳиссалари.
3.Улар -маҳалла фахри.
4.2015-йил - ,, Кексаларни эъзозлаш йили’’
III.Хулоса. Кексаларга ҳурмат.
Кексалик нуронийлик демакдир. Ҳаёт аччиқ-чучугини тотган инсонда комиллик сифатлари намоён бўлади. Барчани бирдек тушуниш, сабр, юмшоқлик фазилатлари инсонда йиллар давомида шаклланади ва улуғ ёшда айни юксакликка кўтарилади. Ҳар бир инсон ўзининг бобо ва бувисини яхши кўради. Уларни ҳурмат қилади. Мен эса ўзимнинг бобо ва бувимни кўрмаган бўлсам ҳам, уларни яхши инсон бўлганликларини биламан ва жуда-жуда яхши кўраман. Улар оккўнгил, меҳрибон ва қалбидарё инсон бўлганлар. Уларни қишлоқда барча ҳурмат қилган экан. Бобом халқнинг абадий олқишига сазовор бўлган шахс эканлар. Ёши улуғ инсон ҳар бир ишнинг оқибатини теран ҳис қила олади. Уларга оқиллик ва ҳаёт синовларида олган тажрибалари ҳамроҳ бўлади. Бобом ҳам худди шундай инсон бўлган десам, адашмаган бўламан. Мен доимо уларга ўхшашга ҳаракат қиламан.Бувимни кўрмаган бўлсамда, улар ҳақидаги ҳикояларни амаки ва аммаларимдан кўп бора эшитганман.Бобом автомобил ҳалокати туфайли вафот этганларида бувим ўзларининг чексиз матонатлари, букилмас иродалари, уммонга тенг меҳрлари билан фарзандларига ҳам ота, ҳам она бўлган эканлар.Улар пилла қуртини етиштиришда энг илғор бўлиб кўп марта мукофотлар олган эканлар.Мен ҳам азиз бувижоним ва бобожоним сингари меҳридарё, меҳнатсевар, метин иродали инсон бўлиб, халқимга, Ватанимга хизмат қиламан.
Халкимиз азал-азалдан кексаларни ҳурмат қилган. Уларга иззат ва икром кўрсатишган. Халқимизнинг бошқа мамлакатлардан ажралиб туришининг бир сабаби ҳам шу десак, муболаға бўлмайди. Шундай мақол бор, ,,Қариси бор уйнинг париси бор’’. Улар кекса кишилари бор уйни файзли ва фариштали ҳисоблашган. Албатта, ҳозир ҳам худди шундай. Бу қадриятлар ҳеч қачон йўқолмайди. Ҳозир ҳам бирор бир иш бошлаш, узоқ сафарга бориш олдидан, албатта, ҳар ким биринчи бўлиб кексалар дуосини олади. Айтишади-ку ,, Олтин олма, дуо ол’’,- деб. Бундай мақоллар ҳам ўз-ўзидан келиб чиқмайди. Ҳар бир инсон ёши улуғ инсонларнинг дуосини олса, доимо юзи ёруғ, йўли очиқ бўлади. Уларни ҳурмат қилиш эса бизнинг бурчимиздир. Модомики, биз ҳам кексаларни ҳурмат қилар эканмиз, ўзимиз қариганимизда ҳам ҳурматда бўламиз. Катталарга ҳурматда, кичикларга иззатда бўлиш бизнинг вазифамиз ҳисобланади. Буви ва боболаримиз насиҳатларига қулоқ солсак, ҳеч қачон ҳаёт синовларида қоқилмаймиз. Яхши инсон бўламиз.
Менинг бобом Абдумутал Саидматов мана шу сўлим Гулдиров қишлоғимизнинг 13 - умумий ўрта таълим мактабида бошланғич синф ўқувчиларга дарс берганлар. Жуда кўп шогирдлар чиқарганлар. Улардан Сулаймонов Абдумўмин, Шерматова Равзахон, Шерматова Шаҳло кабилар. Ҳозирда улар умумий ўрта таълим мактабларида ва олий ўқув юртларида дарс беришмоқда. Бобом Наманган Давлат институти талабаси бўлганлар. Улар ҳақида яхши фикрларни қишлоқдош боболардан эшитганман. Бобом доим халқ хизматида бўлганлар. Ҳеч қачон халқ учун хизмат қилишдан чарчамаганлар. Ўқувчиларни билимли ва илмли бўлишини истаганлар. Маҳаллада нима бўлишидан қатъи назар барчасида фаол иштирок этганлар. Барча ўқувчиларга меҳр билан билим бериб, устоздек улуғкасбга лойиқ бўлишга доимо ҳаракат қилганлар. Уларнинг номи бутун маҳалладошларимиз қалбидан ўчмайди, аксинча, ҳар эслаганимизда номлари янада улуғ бўлади. Уларнинг хотираси доимо биз билан барҳаёт яшайди. Улар бизнинг доимо қалбимизда.
Маҳалладаги ҳар бир яхши инсон шу маҳалла фахри ҳисобланади. Шундай яхши инсонлар қишлоқнинг ёруғ юзидир. Бобом ҳам маҳалламизнинг фахрли кишиларидан десам, адашмаган бўламан. Чунки барча маҳалладошларимиз бобомни шараф билан тилга олади. Бундан ташқари янада кўп фахрийларимиз бор. Улардан бири ўкитувчи бўлса, бири уруш қатнашчиси, бири меҳнат фахрийси.Ҳар бири ўзининг халққа фидокорона меҳнати, юртга фидойилиги билан нафақат маҳаллада, балки юртимизда ҳам обрў- эътибор топганлар.Бизнинг Гулдиров қишлоғимизда кексалар доимо эъзозда, ҳар бир тўй, тантана ва маросимлар маҳалладаги ёши улуғ инсонлар маслаҳати билан қилинади.Уларнинг дуолари билан қишлоқ ёшлари катта муваффақиятларга эришмоқда.Қишлоғимиздан кичкинагина бўлса ҳам адабиётшунос, сиёсатшунос, тарихчи олимлар, Америка, Япония,Ҳиндистон каби мамлакатлар талабалари ва Зулфия номидаги Давлат мукофоти совриндорлари етишиб чиқиши ана шу нуронийларнинг дуолари ижобатидир.Шундай фахрийларимиз бор экан, бизнинг юртимиз доимо гуллаб яшнайверади. Мен шундай аждодларим борлигидан доимо фахрланаман. Уларга ўхшашга ва уларга мос фарзанд бўлишга ҳаракат қиламан.
Президентимиз Ислом Каримов ташаббуси билан 2015 йил ,, Кексаларни эъзозлаш йили’’ деб эьлон қилинди. Бу эса ҳурмат ва иззатда бўлган ёши улуғларга яна ҳам эътибор қаратишга ундайди. Юртбошимиз шу йилда кексаларга бўлган эътиборни янада кучайтирдилар. Қариялар учун турли хил дам олиш масканларига путёвкалар, пенсионерларнинг нафақаларини ошириш, кексалар учун бепул телефон алоқаларидан фойдаланиш, уларга мўлжалланган турли хил иншоотлар қурдирдилар. Айниқса, 9 май – Хотира ва қадрлаш кунида урушда қурбон бўлганлар хотираси эъзозланди. Нафақат урушда қурбон бўлганларнинг, балки бутун марҳумлар хотираси ёдга олинди. Бундан ташқари қариялар учун мўлжалланган телефонлар ишлаб чиқарилди. Шундай экан, биз ёшлар ҳам шу йили ёши улуғларга қаратилган эьтиборга ўз ҳиссамизни қўшайлик.
Ёши улуғларни ҳурмат килиш биз учун қадим-қадимдан миллий қадриятимиз бўлиб келмоқда. Бу ҳам маънавиятимизни мустаҳкам қилувчи бир мезондир, яъни миллий анъана ва қадриятлар маънавиятни шакллантирувчи биринчи мезон ҳисобланади. Маънавияти бой инсон биринчи бўлиб ўзини ҳурмат килади. Ўзини ҳурмат қилган инсон эса бошқаларни ҳам ҳурмат қилади. Албатта, барча инсонлар шундай бўлиши лозим. Лекин ёши улуғларни, ўзидан катталарни ҳурмат қилмайдиган инсонлар хам йўқ эмас. Улар ҳатто ўзларини ҳам ҳурмат қилмайдилар. Биз эса уларнинг сафини кенгайтирмайлик. Ҳаммани ҳурмат қилайлик. Зеро, инсондан фақатгина яхши ном қолади.
Xalq ta’limi vazirligi
Namangan viloyat xalq ta’limi boshqarmasi
Chortoq tuman xalq ta’limi muassasalari faoliyatini metodik ta’minlash va tashkil etish bo’limi
13-umumiy o’rta ta’lim maktabi
8-sinf o’quvchisi Avazbekov
Sultonbekning
’’Mening bobom va buvim-mahallamiz
faxri’’
mavzusida yozgan inshosi.
Reja:
1.Bobom va buvim haqida.
2.Ularning qilgan ishlari.
3.Bobolarim izidan bormoqchiman.
Prezidentimiz tomonidan 2015-yil ,,Keksalarni e’zozlash yili’’ deb e’lon qilindi. 2015-yili keksa bobolarimiz , buvilarimiz har yilgidan ham ko’proq e’zoz va e’tibordadir .Xususan, mening bobom va buvim ham . Mening bobom Xolmatov Avazbek 1947-yil tavallud topganlar . Avazbek bobom bir necha yillar davomida maktabimizda kimyo va biologiya fanlaridan o’quvchilarga saboq berganlar. Ko’p yillar mobaynida maktab direktori lavozimida ham faoliyat yuritgan ekanlar. Dadamning aytishlaricha , Avazbek bobom boshlang’ich sinf binosi qurilishiga bosh-qosh bo’lgan ekanlar .Hozirda nafaqadalar. Farzandlari va nabiralari davrasida qarilik gashtini surmoqdalar . Mening yana bobom bor. Ularning ismlari Jamoliddin. Bu bobom ona tomonidan qadrdonlar. Jamoliddin bobom 1957-yilda tug’ilganlar. Ular doktor bo’lib , qishloqdagi barchani davolaganlar .Mening ikkita buvim bor. Ota tomonidan buvim Oyimxon , ona tomonidan buvim Ma’sudaxon bo’ladilar. Oyimxon buvim 1949-yilda tug’ilganlar. 2008-yil esa bu buvim vafot etganlar. Xo’p yaxshi ayol edilar. Joylari jannatda bo’lsin .Ona tomonidan buvim bo’lgan Ma’sudaxon oyim 1957-yil tug’ilgan ekanlar. Oyimning aytishlaricha , Jamoliddin bobom bilan Ma’uda buvim sinfdosh bo’lgan ekanlar. Ma’suda buvim hozir nafaqadalar.
Har bir inson o’zidan yaxshi nom qoldirishga intilib yashashi kerak. Xalqimizda ,,Yaxshidan bog’ qolar, yomondan dog’ ” degan maqol bor-ku axir! Mening bobom va buvilarim ham shu maqolga amal qilishadi. Ya’ni ular o’zlaridan doimo yaxshi nom qoldirib yashashga intiladilar. Mening Avazbek bobomni qishloqda hamma taniydi. Chunki ular qishlog’imiz ahlini savodli qilishda muhim rol o’ynaganlar. Jamoliddin bobomni qishloq ahli haydovchi deb bilsa-da, ammo ularning haqiqiy kasblari emas. Ular Chortoq bolalar sanatoriyasida doktor bo’lib ishlaganlar. Hozir ham ba’zan-ba’zan doktorlik qilib turadilar. Qayerda kasal bemor bo’lsa , o’sha bemorga yordam beradilar. Xullas, Jamoliddin bobom qishloq ahlining hojatini chiqarib yuradilar . Shunday ekan, Jamoliddin bobomni bemalol qishlog’imiz faxri deb atashimiz mumkin. Ma’suda buvim ham Chortoq bolalar sanatoriyasida hamshira ayol sifatida ishlaganlar. Hozirda uyda, nabiralari davrasida, qarilik gashtini surmoqdalar.
Har bir odam bolasi o’z ajdodlariga taqlid ravishda yashashga intiladi. Men ham
bobolarim izdoshiman. Ularga munosib avlod bo’lishga intilib yashayman. Bobolarim kabi qishlog’imiz ravnaqiga hissa qo’shib, Vatanimiz obro’sini ko’klarga ko’tarish niyatim bor. Buning uchun nima qilish kerak ? Albatta, qunt bilan yaxshi o’qib, oliy o’quv yurtlarida tahsil olib , o’qimishli bo’lib Vatanimiz taraqqiyotiga hissa qo’sha olaman .Men ham bobolarim kabi yaxshi inson bo’lib yetishmoqchiman. Insholloh, bu niyatimga xudo yetkazsin.